Pudina tal Hobz

Din hija riċetta li qasam miegħi Renato Briffa, speċjalista tal-ħelu Malti fl-ITS.

Ikollok bżonn: 

dixx ta' 35ċm x 25ċm x 6ċm

ħobża mqattgħa

4 mgħaref trab tal-kawkaw 

150g butir imdewweb

qoxra ta' kwart ta' lumija u kwart ta' larinġa

4 bajdiet

4 qatriet essenza tal-vanilla

25g sultana 

kwart ta' kuċċarina ħwawar imħallta

kwart ta' kuċċarina kannella

niskata noċemuskata 

25g ċikkulata skura mqattgħa 

2 mgħaref ġamm (Renato uża tal-frawli)

grokk Grand Marnier

25g konfettura

50g coconut

75g lewż mitħun 

70g trab tal-custard (mhux obbligatorju) 

biżżejjed ħalib biex ikollok konsistenza tajba kif ukoll biex ixxarrab il-ħobż fih

Metodu:

Xarrab il-ħobż fil-ħalib għal mill-inqas siegħa u mbagħad saffih. Ħawwad l-ingredjenti kollha flimkien fi skutella. Poġġi t-taħlita fid-dixx midluk bil-butir. Aħmi f'temperatura ta' 190 grad Celcius għal bejn tliet kwarti u siegħa.