Din ir-riċetta tradizzjonali Maltija għamiltha fil-programm dan l-aħħar meta ġie jżurni Anton Dougall. Hija riċetta tiegħu imma adattajtha u minflok il-butir fl-għaġina għamilt żejt taż-żebbuġa. Fil-mili neħħejt iz-zokkor u użajt Stevia minflok.
Għandek bżonn:
Għaġina bl-irkotta u ż-żejt taż-żebbuġa:
500g dqiq plain
100g irkotta
50ml żejt taż-żebbuga
bajda
vanilla
qoxra ta' lumija
Mili:
600g irkotta
100ml yoghurt
200g lewż mitħun
120g Stevia
100g konfettura
75g lewż imqatta'
60g ċirasa
3 bajdiet
qoxra ta' lumija u larinġa maħkuka
Metodu:
Poġġi l-irkotta ġo skutella kbira u ħallat il-yoghurt magħha sakemm il-konsistenza tiġi kremuża. Żid l-istevia, il-lewż mitħun, il-qxur tal-lumi u larinġ, il-konfettura u ċ-ċirasa. Ħawwad u żid il-bajd.
Saħħan il-forn għal 180 grad Celcius. Iksi dixx tat-torti bl-għaġina. Taqqab l-għaġina billi tuża furketta. Aħmi fil-forn għal 15-il minuta. Oħroġha mill forn u ħalliha tiksaħ. Ixħet il-mili u żejjen il-wiċċ bil-lewż imqatta'. Aħmi għal 35 minuta f' temperatura ta' 160 grad Celcius. Ħalliha tiksah qabel ma sservi.
No comments:
Post a Comment