French Classics made quickly - timesofmalta.com

French Classics made quickly - timesofmalta.com

Pixxispad fil forn

• 3 imgħaref żejt taż-żebbuġa
• 4 sinniet tewm, imqattgħin
• 300 g tadam, imqaxxar, imnaddaf u mqatta’ rqiq
• 60 g żebbuġ iswed, mingħajr għadma u mqatta’
• 2 imgħaref kappar
• 60 g prinjol (pine nuts)
• Kilo dwawar tal-pixxispad
• Melħ u bżar mitħun frisk

Tħejjija:

1. Xarrab iż-żbib għal 20 minuta fi ftit misħun. Saħħan il-forn għal temperatura ta’ 200°C. Idlek dixx biż-żejt.
2. Saħħan iż-żejt f’taġen kbir fuq nar moderat u qalli t-tewm għal ftit sekondi, imbagħad żid it-tadam.
3. Kif jibda jbaqbaq żid  il-kappar, iż-żebbuġ 
4. Għatti t-taġen u tektek iz-zalza għal 15-il minuta.
5. Żid il-prinjol u tektek għal 5 minuti oħra.
6. Roxx id-dwawar tal-pixxispad bil-melħ u l-bżar u poġġihom fid-dixx.
7. Ferra’ fuqhom iz-zalza u aħmi għal 20 minuta jew sakemm isir sew il-pixxispad.

Pixxispad fil grilja

• Ħjara mdaqqsa, imqaxxra u mqattgħa biċċiet żgħar
• Meraq ta’ nofs lumija
• Niskata zokkor
• 75 ml żejt taż-żebbuġa
• 2 mgħaref nagħniegħ frisk, imqatta’
• Nofs basla żgħira, imqattgħa rqiq ħafna
• Melħ u bżar mitħun frisk
• 4 dawriet (porzjonijiet) pixxispad bi ħxuna ta’ 2 ċm
• Żejt taż-żebbuġa biex tidlek
• Mgħarfa melħ oħxon

Tħejjija:

1. Fi skutella ħallat flimkien il-ħjar, il-meraq tal-lumi u z-zokkor sakemm jinkesa l-ħjar, imbagħad żid ftit melħ u bżar, il-basla, in-nagħniegħ u ż-żejt taż-żebbuġa u erġa’ ħallat kollox sew.
2. Saħħan grilja 
3. Idlek tajjeb iż-żewġ uċuħ tal-pixxispad biż-żejt u roxx bil-melħ oħxon. Ixwi għal 3-4 minuti fuq kull naħa jew sakemm isir il-pixxispad.
4. Servi fil-pront maz-zalza tal-ħjar.

Ross bil frott tal bahar

• 350 g ross 
• 500 gramm maskli (mussles)
• 500 g gandoffli (vongole)
• 300 g klamari, imnaddfin u mqattgħin
• 400 g tadam, imqaxxar, imnaddaf u mqatta’
• Żejt taż-żebbuġa
• Litru stokk tal-ħut
• 4 sinniet tewm, imqaxxrin
• Melħ u bżar mitħun frisk
• Ponn tursin frisk, imqatta’

1. Poġġi l-maskli u l-gandoffli f’kazzola b’żewġ mgħaref żejt taż-żebbuġa u żewġ sinniet tewm.Poġġihom fuq nar moderat sakemm jinfetħu, ħallihom jibirdu ftit, saffi l-likwidu li ħareġ minnhom minn passatur u warrbu għal iktar tard. Neħħi dawk li ma nfetħux, imbagħad aqla’ nofs il-kwantià mill-qoxra tagħhom u warrabhom ukoll għal iktar tard.
2. F’taġen kbir u fond saħħan 4 mgħaref mgħaref żejt taż-żebbuġa u qalli l-klamari maż-żewġ sinniet tewm l-oħra sakemm jieħdu l-kulur. Neħħi t-tewm, żid ir-ross u ħawwad għal madwar minuta sakemm jinkesa sew. Żid it-tadam u l-meraq li tkun erfajt u kompli ħawwad sakemm jixxotta, imbagħad ibda żid ftit ftit l-istokk filwaqt li kull darba tħawwad sakemm jinxtorob. Żid ukoll ftit melħ u bżar. Kif ikun kważi sar ir-ross żid il-maskli u l-gadoffli, kemm dawk tal-qoxra kif ukoll dawk li qlajt mill-qoxra.
3. Servi fil pront bit-tursin imferrex fil-wiċċ.

Tigieg il forn bi zalza ta tadam

• 900g tadam mqatta'
• Mgħarfa żejt 
• 4 koxox tat-tiġieg sħaħ (madwar 700g).
• Melħ oħxon u bżar iswed mitħun
• Kikkra basal mqatta' strixxi rqaq
• 3 sinniet tewm maħkuk
• 3 biċċiet origanu

Tħejjija:

1. Saħħan il-forn għal 200 C. Saħħan dixx vojt fil-forn.
2. Ħawwar it-tiġieġ bil-bżar u l-melħ u aqli ġo taġen kbir, bil-ġilda tħares 'l isfel, fuq nar medju-għoli għal madwar 7 minuti jew sakem il-koxox jismaru u jiġu jqarmċu. Eqleb il-koxox u sajjar għal minuta oħra.
3. Warrab it-tiġieg u neħħi x-xaħam minn ġot-taġen. Żomm biss daqs mgħarfa.
4. Baxxi n-nar għal medju u sajjar il-basla sakemm tirtab, għal madwar 5 minuti.
5. Żid it-tewm u sajjar għal madwar minuta, imbgħad żid it-tadam, bżar u melħ.
6. Meta jgħali, poġġi t-taħlita fid-dixx tal-forn. Żid it-tiġieġ bil-ġilda tħares 'il fuq u żid l-origanu.
7. Poġġi fil-forn u sajjar għal madwar 25-30 minuta jew sakemm it-tiġieg ikun sar sew.

Gwienah tat tigieg bil curry

• 1½ kg ġwienaħ tat-tiġieġ
• Kuċċarina curry jaħraq
• ½ kuċċarina turmerik
• Mgħarfa soy sauce
• 2 mgħaref żejt veġetali
• 2 sinniet tewm, misħuqin
• Melħ u bżar mitħun frisk

Għad-dip:

• 200 ml yoghurt Grieg
• 2 mgħaref mayonnaise
• Meraq ta’ nofs lumija
• Mgħarfa tursin frisk, imqatta’ rqiq

1. Aqta’ barra l-ponot tal-ġwienaħ u aqtamhom min-nofs (mill-ġog).
2. Fi skutella kbira ħallat flimkien iż-żejt, is-soy sauce, il-curry, it-turmerik, it-tewm, melħ u bżar. Żid il-ġwienaħ u dawwarhom fit-taħlita sakemm jinksew. Għatti l-iskutella u poġġiha fil-friġġ għal mill-inqas siegħa jew tul il-lejl.
3. Sadanittant ipprepara d-dip. Fi skutella ħabbat flimkien il-yoghurt, il-mayonnaise, il-meraq tal-lumi u t-tursin. Għatti l-iskutella u poġġiha fil-friġġ għal iktar tard.
4. Oħroġ il-ġwienaħ immarinati mill-friġġ u saħħan il-forn għal temperatura ta’ 200°C. Iksi tilar bil-foil u poġġi gradilja fuq il-foil.
5. Poġġi l-ġwienaħ fuq il-gradilja mingħajr ma jmissu ma’ xulxin u daħħalhom fil-forn għal 20 minuta. Aqleb il-ġwienaħ fuq il-wiċċ l-ieħor u kompli sajjar għal 20-25 minuta oħra.
6. Servi l-ġwienaħ sħan mad-dip tal-yoghurt.

Haxix fil Kartocc

2 sinniet tewm

2 patatiet, maħsulin u mqattgħin slices bil-qoxra

basla mqattgħa 

brunġiela mqattgħa dadi bil-qoxra

2 tadamiet kbar 

100g rkotta 

melħ tal-baħar

żewġ kuċċarini tursin 

2 werqiet rand

żejt taż-żebbuġa 

mgħarfa kappar

kartaforn

Metodu:

Irranġa l-ingredjenti fuq biċċa kartaforn ta' madwar 8 pulzieri, mitwija fi tnejn. Agħmel saff patata, ftit basal u tewm, tadam, brunġiel u fl-ahhar il-kappar, l-irkotta u l-ħwawar.

Qattar ftit qtar żejt taż-żebbuġa.

Aħmi f'temperatura ta' 150 grad Celcius għal 40 minuta.

Ħallih joqgħod għal żewġ mnuti qabel ma sservi.

Penne Amatriciana

għaġin li tippreferi

2 imgħaref żejt taż-żebbuġa

basla żgħira, imqattgħa rqiqa

sinna tewm imqattgħa

120g guanciale (tista' tuża bejken jew pancetta minflok)

niskata chili flakes

tazza nbid abjad 

450g tadam tal-bott

niskata zokkor jew stevia

ġobon Pecorino maħkuk frish (jew ġbejna)

melħ u bżar

ħabaq għall-wiċċ

Metodu:

Itfa' l-għaġin ġo borma bil-misħun u l-melħ u sajjar al dente. Normalment jieħu madwar 9 sa 10 minuti biex isir. Saffi b'passatur.

Qalli l-basla u t-tewm fuq nar moderat fiż-żejt taż-żebbuġa. Ħawwad kontinwament sabiex ma jbiddilx il-kulur. Qatta' l-pancetta, bejken jew guanciale f'dadi żgħar u żidhom mal-basla u t-tewm flimkien maċ-chili. Żid il-tadam, iz-zokkor u l-inbid ħalli z-zalza ttektek għal 15-il minuta.

Żid il-melh u l-bżar.

Ferra' z-zalza fuq l-għaġin imsajjar u żejjen il-wicc bil-weraq tal ħabaq frisk u ġobon Pecorino maħkuk.

Filafel

• 250 g ċiċri mnixxfin
• 4 sinniet tewm, imqattgħin
• Basla, imqattgħa rqiq
• 2 mgħaref żejt taż-żebbuġa
• 2 mgħaref tursin frisk, imqatta’
• 2 kuċċarini kemmun
• 2 kuċċarini żerriegħa tal-kożbor
• 2 mgħaref dqiq
• Melħ u bżar mitħun frisk

Għad-dip:

• 200 g yoghurt Grieg
• Meraq ta’ nofs lumija
• 2 mgħaref żejt taż-żebbuġa
• Mgħarfa tursin frisk, imqatta’
• Mgħarfa nagħniegħ frisk, imqatta’

Xarrab iċ-ċiċri fl-ilma għal 6 sigħat jew tul il-lejl. Saffiha, poġġiha f’kazzola, għattiha bl-ilma u għalliha għal 50-60 minuta jew sakemm tirtab. Saffiha f’passatur, ħalliha toqtor sew u ferrixha fuq sarvetta biex tixxotta sew għal siegħa.

1. Saħħan il-forn għal temperatura ta’ 180°C. Iksi tilar bil-kartaforn.
2. Qalli l-basla u t-tewn f’żewġ mgħaref żejt taż-żebbuġa sakemm jirtabu.
3. Bi proċessur tal-ikel itħan iċ-ċiċri, il-basla u t-tewm, il-kemmun u l-kosbor, sakemm jitħallat u jitkisser kollox.
4. Aqleb it-taħlita fi skutella u żid id-dqiq, it-tursin, melħ u bżar. Għaffeġ kollox flimkien b’idejk u fforma t-taħlita fi blalen ta’ madwar 3 ċm djametru.
5. Poġġi l-blalen taċ-ċiċri fuq it-tilar, idlikhom biż-żejt taż-żebbuġa mad-dawra kollha u aħmihom għal 25-35 minuta. Nofs sajran dawwarhom ftit biex isiru minn kullimkien.
6. Sadnittant, ipprepara d-dip. Fi skutella ħabbat l-ingredjenti kollha flimkien tajjeb.
7. Servi l-blalen taċ-ċiċri mad-dip tal-yoghurt.

Torta tal Qara baghli bla ghagina

• 1 kg qarabagħli mit-twil, imqatta’ listi rqaq għat-tul
• 700 g polpa tat-tadam
• Mgħarfa kunserva
• Mgħarfa żejt taż-żebbuġa
• 800 g kkapuljat t taċ-ċanga
• 300 g faqqiegħ, imqatta’
• Basla, imqattgħa
• 4 sinniet tewm, imqattgħin
• 2 mgħaref ħabaq frisk, imqatta’
• Mgħara kunserva
• 400 g mozzarella, maħkuka oħxon
• 100 g ġobon maħkuk
• 500 g rkotta
• Bajda, imħabbta ħafif
• 2 mgħaref tursin frisk, imqatta’
• Niskata noċemuskata, maħkuka
• Melħ u bżar mitħun frisk

Tħejjija:

1. Saħħan mgħarfa żejt f’kazzola wiesgħa fuq nar moderat u żid il-basla u t-tewm, u qallihom sakemm jirtabu. Żid l-ikkapuljat u ħawwad sakemm jieħu l-kulur, imbagħad żid il-faqqiegħ. Kif jitbiel il-faqqiegħ żid il-kunserva, il-polpa tat-tadam u l-Worchestershire sauce, melħ u bżar. Kif iz-zalza tiftaħ tagħli, baxxi n-nar,  għatti l-kazzola parzjalment  u tektek għal madwar 40 minuta sakemm tara li z-zalza nġibdet u bdiet tagħqad. Itfi n-nar, żid il-ħabaq u ħawwad.
2. Sadanittant idlek grilja bi ftit żejt u ixwi l-qarabagħli ħafif miż-żewġ naħat u poġġihom fuq karti tal-kċina.
3. Fi skutella ħabbat flimkien l-irkotta, il-bajda, ¾ mill-mozzarella u nofs il-Parmiġġan, in-noċemuskata u t-tursin.
4. Saħħan il-forn għal temperatura ta’ 200°C. Idlek dixx ta’ 23 ċm x 40 ċm jew ekwivalenti bi ftit żejt.
5. Poġġi ⅓ tal-qarabagħli ħdejn xulxin fil-qiegħ tad-dixx u ifrex fuqu nofs iz-zalza. Ifrex nofs it-taħlita tal-irkotta, u erġa’ poġġi ⅓ ieħor mill-qarabagħli; imbagħad il-kumplament taz-zalza u fl-aħħar il-kumplament tat-taħlita tal-irkotta. Fil-wiċċ poġġi l-aħħar saff tal-qarabagħli u roxx bil-mozzarella u l-Parmiġġan li jkun fadal.
6. Aħmi għal 40-50 minuta sakemm jiħmar il-wiċċ. Ħalli l-lażanja toqgħod fil-forn għal 15-il minuta qabel isserviha.

Froga Taljana

Din hija froġa stil Taljan (frittata) u minflok qarabagħli tista' tuża ħxejjex li trid jew taħlita ta' ħxejjex.  

 

Ingredjenti: 

 

• 6 bajdiet
• Sinna tewm imqattgħa rqiqa
• Basla żgħira mqattgħa rqiqa
• 4 patatiet imsajrin
• Kwart ta' kuċċarina rignu niexef (dried oregano)
• 50 g ġobon maħkuk
• 50 g cheddar
• Mgħarfa żejt taż-żebbuġa
• 3 qarabagħliet, imsajrin u mqattgħin
• Melħ u bżar

 

Tħejjija:

 

1. Poġġi ż-żejt taż-żebbuġa ġo taġen u żid il-basla u t-tewma.  
2. Ħawwad u sajjar ħafif u wara  żid il-patata msajra u r-rignu niexef. 
3. Sajjar fuq nar bati. Żid il-qarabagħli u sajjar għal madwar 2 minuti. Fi skutella, ħabbat il-bajd, żid il-melħ u l-bżar u ferragħ l-bajd fuq il-patata u l-qarabagħli.
4. Sajjar fuq nar moderat sakemm issir minn taħt.  Oqgħod attenta li ma tinħaraqx.  Ferrex il-ġobon fil-wiċċ. Poġġi t-taġen taħt il-grilja sakemm isir il-wiċċ. Servi sħuna jew kiesħa.

tian tal qara baghli u tadam

Kont ħadt din l-idea meta rajt lill-Barefoot Contessa tagħmel riċetta fuq it-televiżjoni.  Nagħmilha ħafna u nbiddel il-ħaxix li nkun qiegħda nuża. Tajba bħala kontorn mal-ikla prinċipali jew tista' tikolha bħala ikla ħafifa.  

Ingredjenti: 

• Mgħarfa żejt taż-żebbuġa 
• Basla bajda, imqattgħa biċċiet żgħar
• 2 sinniet tewm maħkuka
• 2 patatiet bil-qoxra, mqattgħin tondi rqaq
• 2 qarabagħliet (nippreferi l-courgette għal dan id-dixx għax il-kontenut tal-ilma fih huwa inqas)
• 2 tadamiet kbar
• Melħ u bżar
• 2 mgħaref ġbejna iebsa bajda

Tħejjija:

1. Saħħan il-forn 180 °C. Idlek dixx ta' 20 ċm biż-żejt taż-żebbuġa billi tuża pinzell.  
2. Ġo taġen, saħħan 2 mgħaref żejt taż-żebbuġa u sajjar il-basal fuq nar bati għal bejn 8 u 10 minuti.  Żid it-tewm u sajjar għal minuta oħra. 
3. Ifrex it-taħlita tal-basal fuq il-qiegħ tad- dixx.  Poġġi felli zucchini, tadama u patata.  Ibqa' sejra hekk sa ma timla d-dixx.  Ferrex ftit melħ u bżar jekk tixtieq u mgħarfa ħwawar friski li jogħġbuk.  Żid ir-rignu niexef.   
4. Għatti d-dixx bil-fidda u aħmi għal 35 minuta, sakemm il-patata ssir. 
5. Ikxef id-dixx, ferrex il-ġbejna bajda fil-wiċċ ħafif u aħmi għal 30 minuta oħra sakemm il-ġbejna tinħall u l-kulur jismar. Servi sħun.

Soppa tal Haxix bil quinoa

mgħarfa żejt taż-żebbuġa

kikkra basal imqatta’

kikkra zunnarija mqattgħa

żewġ laned tadam imqatta’

½ kikkra quinoa msajra

żewġ litri ilma mħalltin ma' dada

żewġ sinniet tewm

½ kuċċarina melħ oħxon, jekk trid

kikkra spinaċi

Metodu:

Saħħan iż-żejt f'borma kbira u qalli l-basal. Żid it tewm. Ħawwad. Żid il-ħaxix l-ieħor. Ħawwad u żid l-ilma u d-dada.

Kif jibda jagħli l-ilma, baxxi n nar u sajjar sakemm jirtab il-ħaxix.

Sajjar il-quinoa u meta jsir il-ħaxix go soppa, żid il-quinoa u sajjar għal żewġ minuti oħra.  Aqleb ġo skutelli u żejjen il-wiċċ bit-tursin frisk imqatta'.

Brokkli jew Pastard Gratin

500g brokkli u / jew pastard imsajjar, jew taħlita tat-tnejn

100g plain yoghurt

melħ u bżar mitħun frisk

50g ġbejna maħkuka u 50g oħra għall-wiċċ 

2 mgħaref ħwawar friski tal-għażla tiegħek u mgħarfa oħra biex iżżejjen

Metodu:

Ħallat flimkien il-brokkli u l-pastard (jekk se tuża mit-tnejn). Żid il-ypghurt jogurt, il-ġbejna maħkuka u l-ħwawar friski kif ukoll il-melħ u l-bżar. Idlek ħafif dixx tal-forn bi ftit żejt taż-żebbuġa. Poġġi t-taħlita ġod-dixx. Fil-wiċċ ferrex il-bqija tal-ġbejna maħkuka. Aħmi fil-forn f'temperatura ta' 200 grad Celcius għal 30 minuta. Ħalli d-dixx jistrieħ għal 5 minuti qabel ma sservi. Żejjen il-wicc bil-bqija tal-ħwawar friski. 

Spagetti bil qara hamra u t tonn taz zejt

·          4 sinniet tewm

·          basla mqattgħa

·          2 laned tadam imqatta'           

·          200gr tonn taż-żejt

·          2 mgħaref qara' ħamra msajra

·          100ml stokk

·          400g spagetti

·          nofs kuċċarina riegnu niexef

Metodu:

1         Sajjar it-tewm fiż-żejt. Żid il-basla mbagħad  il-qara' ħamra.

2         Żid it-tonn taż-żejt u t-tadam. Meta jibda jagħli baxxi n-nar, żid ir-riegnu niexef u tektek għal 15-il minuta. 

4         Sajjar  l-għaġin u ħawwad iz-zalza miegħu.

Vegan Carrot Cake - timesofmalta.com

Vegan Carrot Cake - timesofmalta.com

Vegan Carrot Cake - timesofmalta.com

Vegan Carrot Cake - timesofmalta.com

Dip tal Brokkoli

Ingredjenti:

250g brokkli jew pastard imsajjar, jew taħlita tat-tnejn

sinna tewm

ofs basla bajda

100ml yoghurt

mgħarfa ġobon maħkuk iebes bħal Parmigiano

100g cream cheese 

kuċċarina ħwawar imħalltin nexfin

Metodu:

Uża blender żgħir tal-elettriku biex tħallat l-ingredjenti kollha flimkien sakemm ikollok taħlita lixxa. Poġġiha fil-friġġ għal mill-inqas sagħtejn qabel ma sservi bil-ħobż mixwi bħala ikla ħafifa jew għal mad-drinks. 

Kejk tal Qargha Hamra

żewġ kikkri u nofs dqiq

żewġ kuċċarini baking powder

kuċċarina u nofs kanella

nofs kuċċarina noce muskata

niskata melħ

kikkra u nofs zokkor

tliet kwarti ta' kikkra butir

tliet bajdied

tliet kwarti ta' kikkra qargħa ħamra purée

nofs kikkra ħalib

kuċċarina vanilla

Għal mili:

125g cream cheese

kwart ta' kikkra zokkor

Metodu:

Għall-kejk: Ħabbat il-butir, iz zokkor u żid il bajd. Wara żid il-qargħa ħamra, id- dqid u l-vanilla. Ħabbat fil-mixer. Żid id-dqiq.

Prepara forma tal-kejk bil-karta tal-forn. Ferra nofs it-taħlita tal-kejk fid-dixx.

Fuqha ferra' saff milli. Fuqu ferra' l-kumplament tat-taħlita tal-kejk.

Aħmi għal 45 minuta fil-forn li tkun diġà saħħant f'temperatura ta' 170 grad celsuis.

Għall-mili ħabbat iż-żewġ ingredienti flimkien.

Kejk tal Banana u Zunnarija

butir biex tidlek il-landa

100ml żejt taż-żebbuġa

125ml yoghurt

250g żbib isfar (xarrabhom u itħanhom)

4 bajdiet separati

100g zunnarija maħkuka

2 bananiet immaxxjati

300g dqiq self-raising

kuċċarina bikarbonat

nofs kuċċarina ginger

nofs kuċċarina kanella

50g ġewż imqatta'

50g coconut

Metodu:

Ħallat iż-żejt taż-żebbuġa, il-yoghurt, l-isfra tal bajd, il-banana u ż-żbib. Uża hand blender biex tħawwad kollox flimkien.

Għarbel id-dqiq, żid il-bikarbonat, il-coconut, il-ġewż, il-kannella u l-ginger.

Ħabbat l-abjad tal-bajd sakemm jiġi xkuma. Żid iz-zunnarija mat-taħlita tad-dqiq. Wara żid il-likwidi. Fl-aħħar ġentilment ħallat l-ixkuma mat-taħlita.

Poġġi ġo dixx tal-kejkijiet u aħmi f'forn f'temperatura ta' 160 grad Celcius għal 35 minuta.

Cookies tal Banana u l Hafur

kikkra banana misjura, mgħaffġa bi ftit qtar tal-lumi (daqs żewġ bananiet)

nofs tazza puree tat-tuffieħ mgħolli

kikkra u nofs ħafur 

nofs kuċċarina kannella

nofs kikkra passolina 

ftit qtar vanilla

Metodu:

Saħħan il-forn għal 170 grad Celcius u iksi dixx bil-karta forn. Ħallat l-ingredjenti kollha flimkien. Poġġi mgħarfa kull darba mit-taħlita fuq il-folja tal-ħami u ċċattja ftit b'subgħajk. Aħmi għal madwar 20 minuta jew sakemm il-kulur isir dehbi ċar.

Crumble tal Qargha Hamra

Għandek bżonn:

kilo qargħa ħamra msajra

basla, imqattagħa u moqlija

kurrat 

żewġ patatiet imsajrin u mqattgħin

melħ u bżar

ftit noċemuskata

sitt ġbejniet friski mqattgħin biċċiet

Għall-wiċċ:

300g dqiq

100g butir

50g ġobon maħkuk

50g bran flakes

Metodu:

Ħallat il-basla, patata, qargħa ħamra u noċemuskata flimkien. Żid ftit melħ u bżar. Dellek dixx bi ftit żejt. Poġġi t-taħlita tal-ħaxix ġo dixx. Agħmel saff biċċiet tal-ġbejniet friski.

Għall-wiċċ, ħaddem il-butir fid-dqiq. Żid il-ġobon maħkuk. Kisser il-bran flakes biċċiet żgħar u ħallathom mat-taħlita tad-dqiq. Ferrex it-taħlita fil-wiċċ tad-dixx.

Aħmi għal nofs siegħa f'temperatura ta' 180 grad Celsius.

Din hija riċetta ta' Lea  Hogg imxandra fil-programm Kalamita 

Cookie Cake

Minflok tagħmel cookies individwali, tista' tagħmel cookie waħda kbira li tiġi qisha kejk, ideali għal xi party tat-tfal.

Ingredjenti:

225g butir mingħajr melħ

100g zokkor ismar

150g zokkor muscovado

2 bajdiet

ftit qtar vanilla

250g dqiq self-raising

300g chocolate chips

Metodu:

Ħabbat flimkien il-butir u z-zokkor sakemm it-taħlita tkun kremuża. Żid il- bajd u vanilla u kompli ħawwad sakemm il-bajd ikun inkorporat fit-taħlita. Żid id-dqiq. Ħawwad. Fl-aħħar nett żid iċ-chocolate chips u ħawwad b'mgħarfa tal-metall.  

Iksi dixx tal-forn bil-kartaforn. Ferra' t-taħlita u aħmi f'temperatura ta' 180 grad Celcius għal 35 minuta.

Tigieg bil gbejniet il forn

500g tiġieġ imsajjar u mqatta' biċċiet

250g qlub tal-qaqoċċ imsajrin u mqattgħin, jew tal-bott jekk ma jkunx żmienu

250g spinaċi msajjar u mqatta', jew iffriżat jekk ma ssibx frisk

basla mqattgħa u msajra

sinna tewm maħkuka

kikkra yoghurt

kikkra mayonnaise

nofs kikkra mozzarella maħkuka

nofs kuċċarina rignu niexef

nofs kikkra ġbejna bajda niexfa maħkuka

melħ u bżar

Metodu:

Żomm għall-wiċċ mgħarfa ġbejna maħkuka u mgħarfa mozzarella. Ħallat l-ingredjenti kollha flimkien. Fil-wiċċ poġġi l-ġbejna maħkuka u l-mozzarella li rfajt. Aħmi fil-forn f'temperatura ta' 180°C għal nofs siegħa sakemm il-wiċċ jibda jieħu kulur sabiħ. Ħalli d-dixx joqgħod għal 10 minuti qabel ma sservi. Servi b'żewġ mgħaref quinoa, barley jew bulgar bħala kontorn.

Insalata tal Bulgar bil gbienet

Għandek bżonn:

250g medium bulgur wheat

ponn kbir rukola ta' Malta jew taħlita ta' tursin u nagħniegħ, imqatta' rqiq

2 ġbejniet tal-bżar, imqattgħin dadi

2 tadamiet, imqattgħin żgħar

landa ċiċri (neħħilhom l-ilma u laħlaħhom)

kuċċarina qoxra tal-lumi maħkuka

mgħarfa meraq tal-lumi

bżaru aħmar frisk (jekk trid)

melħ u bżar

4 mgħaref żejt taż-żebbuġa

Metodu:

Poġġi l-bulgur wheat ġo skutella kbira u għerrqu fl-ilma. Ħallih għal mill-inqas siegħa. Jien inħobb inħallih daqs erba' sigħat ħalli jirtab. Imbagħad saffih mill-ilma u ħallih fil-passatur ħalli tneħħi kemm tista' ilma minnu. Poġġih ġol-iskutella li se tuża biex isservi.

Żid ir-rukola (jew it-tursin u n-nagħniegħ), it-tadam, iċ-ċiċri, il-ġbejniet u l-bżaru (jekk se tużah). Ħallat bil-mod biex l-ingredjenti ma jitgħaffġux. Żid il-melħ u l-bżar u l-qoxra tal-lumija maħkuka. Ħallat. Żid iż-żejt taż-żebbuġa u l-meraq tal-lumi. Ħallat.

Servi mill-ewwel jew poġġi l-insalata fil-friġġ u servi wara. Tista' żżommha sal-għada. Tista' sservi din l-insalata bħala platt prinċipali jew bħala kontorn.

Kejk tal Kafe u Gewz

150g dqiq self raising

kuċċarina baking powder

nofs kuċċarina bikarbonat

125ml yoghurt

2 mgħaref żejt taż-żebbuġa

3 bajdiet

120g zokkor jew ekwivalenti stevia

mgħarfa trab tal-kafè espresso instant

50g ġewż imqatta' fin ħafna

nisktata noċemuskata

ftit qtar vanilla

8 nofsijiet tal-ġewż għall-wiċċ qabel ma taħmi

Metodu:

Ħallat il-bajd, il-yoghurt, il-vanilla u ż-żejt taż-żebbuġa ġo skutella. Għarbel id-dqiq.  Żid il-baking powder u l-bikarbonat, il-kafè, in-noċemuskata u l-ġewż imqatta'. Ipprepara landa tal-kejkijiet ta' 23ċm midluka bi ftit butir. Żid it-taħlita tad-dqiq mal- ingredjenti likwidi. Żejjen il-wiċċ bil-ġellewż.

Aħmi f'temperatura ta' 160 grad Celcius għal 40 minuta.  Wara nofs siegħa ċċekkja l-kejk imma tiftaħx il-forn qabel. 

Collectable recipes - timesofmalta.com

Collectable recipes - timesofmalta.com

Collectable recipes - timesofmalta.com

Collectable recipes - timesofmalta.com

Scones tal Lumi

Għandek bżonn:

400g dqiq self-raising

200g irkotta

qoxra ta' lumija maħkuka

meraq ta' lumija

żewġ mgħaref għasel

żewġ bajdiet

Metodu:

Għarbel id-dqiq u ħaddem l-irkotta fih. Żid l-għasel, il-qoxra u l-meraq tal-lumija u l-bajd. Agħmel l-għaġina.Tħallihiex toqgħod fil-friġġ imma iftaħha mill-ewwel. Uża cutter biex taqta' l-iscones. Dawn jridu jkunu għoljin 3ċm.

Poġġi l-iscones fuq dixx miksi bil-kartaforn. Aħmi f'forn f'temperatura ta' 160 gradCelsius għal 25 minuta. Fl-aħħar ħames minuti idlek bi ftit bajd imħabbat billi tuża pinzell. Erġa' daħħalhom fil-forn.

Servi l-iscones sħan jew kesħin, bil-ġamm jew bl-irkotta jew bil-ġbejniet friski. Meta toħroġhom mill-forn tista' tidlikhom ħafif bl-għasel.